شـعـراء الـقـبـيـلـة

لقبيلة الزوران شعراء كثر ومن أروع شعراء القبيلة الشاعر ( أحمد بن حمد الأزوري ) وقد أفردنا له صفحة خاصة تحتوي على قصائده ومحاوراته مما أستطعنا أن نحصل عليه . ويعتبر العصر الذي عاش فيه العصر الذهبي للقبيلة ، حيث أظهر محاسن قبيلته وأصبح من شعراء الدرجة الأولى البارزين وتجاوز ذلك حتى أصبح شاعر قبيلة عتيبه في ذلك الوقت ، فقد نافح وقارع كبار الخصوم من الشعراء في الذب عنها كما يظهر في بقايا شعره الذي أوردناه .
 الشاعر : عويض بن علي بن هادي الأزوري  

  

يا الله يا اللي بامرك النور يوضي = يا خالقٍ عبدك لخمسة فروضِ
طالبك ياربي ولا أنت قطوعي = عبدك على طرقة هل الخير تهديه
تلطف بعبد في الزمانِ المغير = هاجسه وهاجوسه وفكره تحير
يا منشي الما حيث ما شيت سير = وليا خلق عبده يميته ويحييه
تلطف بعبد تالي الليل ما بات = أمسى يفكر في عسيرات الأوقات
البُعد خير من الأهل والقرابات = المستحي ليه يا ها المخاليق تبليه
هاضت هواجيسي وروحت نجاب = يا راكبا من عندنا شامخ الناب
مذعور حر ما هبط سوق جلاب = عليه خرجه وركابه ووانيه
ملفاك ربعي في قصور بنيه = تنطحك بالترحيب والشاذلية
علِّم لهم يا مرسلي بالقضية  = علمه تجيني به وعلمي توديه

  حطيت معدالي ولا حملوني = يا هل الوفا بالمعرفة قنعوني 

بالحق يا هل الحق لا ترحموني  = ون صاب له حق والحق أباوفيه 

عَوَّد طمع في رفيقي شكاني = وأنا احمد الله ما تكلكل لساني 

لكن هاذيه وجوب العواني = منه كما هم طامِع في بن آخيه 

من أدعى ما يحتكم من لسانه = لكن بعض الناس طاعه زمانه 

والناس ما تمشي معك بالأمانه = الحق يصعب والخطاء نجتهد فيه 

نقاه جنبيه بصفح الجبين = ون ما كفاه مِخَطِّر من يميني 

قولوا لنا يا هل العرف يا سامعيني = عزي لمن لا جاب مثلي ويوصيه 

البيض من عندي ثياب ضِفِيات = على خوالي حيهم والذي مات 

           ولنا عليهم يا محمد شراهات = لكن خال وفي الخزى ما نماديه   


  الشاعر : محمد بن علي بن هادي الأزوري 
  ردا على قصيدة أخوه عويض :

 محمد بن هادي تهيض وغنى = وهموم قلبه جات مِنَّا ومِنَّا
وأمسيت محتار  = وَفَكِّر وقيِّس في الخطاء والقِدِيه
هاضت هواجيسي يا هل العرف والقَيس = ما هو طرب ولا غِواية تابع إبليس
حمَّلت بالجار  = وأنا لا خبرت ولا دخلني وِزيه
بعد حبس دخيلكم ويش نقاكم = وهو مِجَّود في مثاني لِحاكُم
وأنشد في الأقطار = وأسأل عتيبة عن وجوب العِنِيَّه
وأنشد عتيبة والرجال العوارف = وخبلهم ينجوا ولو كان خالف
لو هدم أسوار = وأبغي أثور المذكور راعي العِنيه

    يا مرسلي وَدِّي الكلام الصحيحي= اللي مِثَمَّنْ ما خُلِطْ بالقبيحي 

تلفا هل الدار = عِزاتي هل الضيفان صبحي عِشِيه

تلقى عِزاتي في حِلال مباني = تنطحك بالترحيب قبل السلام 

ربعي هل الجار = وتِقريك بالترحيب والشاذليه 

ويش عِندكم يوم جيتوا حِمايه = بالكذب والزور وأهل الحكايه 

يا ويل هل النار = وعِزنا بالله ولا جاه رزيَّه 

وأختم كلامي بالنبي والصحابه = وعِداد ما خط القلم بالكتابه 

صلاة مختار = وطلبت من رب العرش جزل العِطيه

  الشاعر : عويض بن رشدان الأزوري 

حديث المجــــــــــــالس

الصمت حكمة والحكي كثْره جنون = أمثال تضرب من قديم الزماني
صمتك مقدر بالذهب ثم موزون =  وأحلى من الفضة بنطق اللساني
ماهو بعيب الصمت ياللي تعيبون  =  العيب للسانك تفك العناني
تخوض في هرج(ن) مع اللي يخوضون =   ماتفتكر في غثها والسماني
للناس عامل نفسك اليوم فرعون  =  ومن لا يطيعك قلت مجرم وجاني
والدين غنيّته مجارير ولحون =  تقول ذا كافر وهذاك زاني
وتحلّ مافي يدْك لو كان مليون =  وتحرّمه للناس في يوم ثاني
والدين دين الله بالله مصيون =  في كل وقت وكل عصر ومكاني
والكذب مبنية به أبراج وحصون  =   والغيبة امست مثل حفظ الاغاني
في كل مجلس فيه طاعن ومطعون  =   اضحت مجالسنا مجالس غواني
وامّا السياسة بحبها الكل مفتون =  تقول صايدهم عليها جناني
وان جيت للمضمون مافيه مضمون =   كل(ن) يكذّب صاحبه في ثواني
أحد(ن) يمجّد فعل صدام بجنون  =  ويقول حبك يالعراقي سباني
وآخر يقول إنه عميل(ن) لصهيون   =   ماشفت فعله في حلبجة كواني
تناقضات اقوال وطعون بطعون =   واقوال تنقل من فلان لفلاني
واحيان فيها بعضنا يرفع الشون  =   يقول انا صادق وهذا رهاني
والجو كهرب والفضا صار مشحون  =   واحزاب صرنا بعد كنا عواني
لا مشكلة حلّت ولا مات شارون  =   والقدس مارجْعت وحنّا نعاني
ترى السياسة فن من جملة افنون  =  فيها الملوك تقيس كل المعاني
ماهي بجبنة تفطر ابها وزيتون  =   ولا هي مفاطيح بجوف الصواني
ولا هي تجارة داين ابها ومديون  =  ولاّ تماشي من مكان لمكاني
علم السياسة سر محفوظ مكنون =   عنّأ وعنكم لين يصدر بياني
وليا صدر في كل اذاعة وله لون  =   كل(ن) يحلل كيف ماكان كاني
يامتعب(ن) نفسك تبا تصلح الكون  =  إلحق غنمْك وسوق فوق السواني
خلّ السياسة منته اليوم هارون  =   يكفيك فيها من رعاك ورعاني
واقرا كتاب(ن) كان بالرف مركون  =   واحمد إلآهٍ له بالأحوال شاني
والختم صلينا عدد مال قارون =  على نبي روضته بالجناني

الشاعر : دخيل بن صالح الأزوري

لو السهر طال 

لو السهر طال وتمنيت ماانام  =  يكفيني اني في عيونك انا حي
خليني ارسم بالكحل طيف الاحلام  =  واروي هديل الشعر من سحرها شوي
ولا صرت ابقضي باقي الوقت بعتام  =  واحتاج من طول الهدب بارق الضي
ماهمني ولو أزهر براسي اثغام  =  وبعض الشجر ماينبت الا تحت في
يامثرية بالحب فكري والالهام   =  قلبي على غيابك شكى لاذع الكي
إخذي من اوقاتي لك سنين وايام   =  وسقي عطش قلبي من شفاتك المي
ترى حياتي دونك اشبه بالاوهام  =   والعمر مايسوى بدونك ولا شي

الشاعر : سلمان بن عبدالعزيز الأزوري 

سلطان الخير

كل شعبك يابو خالد فاقدينك        
           الله اللي ولّع الشعب بغلاك
نحتري ياسيّدي ضمة يدينك        
           لجل ندفى لو بشيءٍ من دفاك
سيّدي فزّت حروفي قدم عينك        
           تنثر الترحيب في عالي سماك
مرحبا بك عند شعبٍ شايلينك        
           فالقلوب وكل ما تطلب فداك
والله إنّك لو طلبت مرحبينك        
           كان جتك أرواحهم تسبق نداك
الغلا للشعب من ساطع جبينك        
           كل ما قفيت شعبك في هلاك
فرّعي يادار عن حسنك وزينك        
           جاك أبو خالد ولي العهد جاك
كم وكم حارب جميع محاربينك        
           وارخص الغالي من العمر وعطاك
ياعسى الله طال عمرك لا يهينك        
           وياعسى الله ينتقم لك من عِداك
أنت قايد فالمعارك خابرينك        
           تروي البيداء بدم اللي شناك
الملا نبراس فكرٍ شايفينك        
           من يريد المجد يمشي في خطاك
والاّ نور اسراج بالظلما يعينك        
           ماتخاف الغدر دام إنّه معاك

الشاعر : محمد الأزوري   

abuiyad